3d uppmáting av Múrinum

Í 2009 varð gjørd ein skanning ella 3D-uppmáting av Kirkjubømúrinum. Skanningin varð gjørd í sambandi við bygningafornfrøðiligu kanningarnar av Múrinum.

Endamálið við skanningunum og bygningafornfrøðiligu kanningunum er at skjalfesta støðuna á múrverkinum, áðrenn farið verður undir sjálva konserveringina av tí. 

3D-uppmátingin av Kirkjubømúrinum og bispagarðskjallaranum hevur ein neyvleika upp á brotpartar av millimetrum. Hon er eitt týðandi amboð fyri skjalfestingina og samanbering við eldri skrásetingar og eisini fyri samanbering av dátum um skyld bygningsverk í grannalondunum. 3D uppmátingin gevur heilt serligt innlit í fornu byggilistina og heilt nýggjar møguleikar til miðlan av fornminnunum í Kirkjubø.