Drunnhvítarnir í Torvhúsinum í 2020

Báðar pisurnar eru floygdar!

Drunnhvíti er minsti sjófuglurin í heiminum og mett hevur verið, at størstu drunnhvítabølir í heiminum eru í Føroyum. Hann kemur bara til lands um náttina. Tá flýgur hann við urðar og støð har hann reiðrast.

Á hesi síðuni eru upptøkur av tveimum drunnhvítapørum, sum hava verið í Torhvúsinum í Koltri í fleiri ár. Tað eru ikki so nógv natúrlig støð hjá drunnhvítum at búleikast í Koltri og tí hava teir gjørt sær dælt av lagaðum grótgørðum og húsaveggjum.

Í 2020, eins og onnur ár var eitt par fram við eystara vegginum og eitt fram við vestara.

Norðrara bøgan varp beint eftir midnátt 6. juli. Síðan bøldu foreldrini og eggi varð klakt seint 15. august. 24. august er ungin fyri fyrstu ferð einsamallur í eitt samdøgur. 19. oktober varð hann floygdur.

Syðra bøgan varp helst 23. juni og og eggið varð klakt 3. august. 7.-8. oktober varð pisan floygd.

Drunnhvítarnir ferðast frítt runt í húsinum, eisini frá einum reiðri til annað. Tí síggast onkuntíð fleiri drunnhvítar við eitt reiður, ella við eitt reiður har ungin longu er floygdur.

Gongdin í syðra reiðrinum

Gongdin í norðrara reiðrinum

Playlistar av stroyming eru niðanfyri

Alt tað sum vit stroyma royna vit at goyma. Niðanfyri ber til at hyggja ígjøgnum videoklipp frá 2020, sum fyri tað mesta eru eum 12 tímar long. Vit klára ikki sjálvi at hyggja ígjøgnum alt, so um tú sært eitthvørt áhugavert í hesum filmstubbum (sum kunnu vera fáar minuttir ella fleiri tímar) send okkum so eitt teldubræv um hvat tu hevur sæð.