FO

Tingstaðurin í Køtlum hevur helst verið vártingstaður hjá norðoyingum frá eldri tíðum. Tó eru ongar skrivligar keldur, ið varpa ljós á, nær fólk á fyrsta sinni komu saman á hesum staði til tings. Her eru farleiðir, ið knýta bygdirnar sunnan fyri fjall og norðan fyri fjall saman. Tingstaðurin í Køtlum liggur miðskeiðis á hesi farleið á uttanveltaðum og óbygdum stað.

Orðið ting stavar frá norrøna orðinum Þing, ið merkir samkoma ella fundarstaður. Upprunaliga var ting eitt slag av rættarskipan og umsiting. Á tingstøðum vórðu trætumál og ósemjur loystar. Lógir vórðu kunngjørdar, hildnar uppi, og politiskar avgerðir vórðu tiknar á tingi. Løgmaður ella sorinskrivarin hevði eftirlit við tingingunum. Løgsøgumaðurin hevði ábyrgd at minnast og duga lógirnar. Løgmaður, sýslumaður og seinni fútin skuldu ferðast til øll vártingini.

Vártingið í Køtlum varð millum annað brúkt til at viðgera og døma mál so sum trætur og stuldursmál millum norðoyingar. Innan tingbøkurnar taka við í 1615, eru ikki nógvar skrivligar keldur um revsingar. Einstakar sagnir varpa ljós á harðligar dómar, og sagt hevur verið, at varð ein dømdur frá lívinum í Køtlum, varð viðkomandi omanstoyttur og ikki hongdur í gálga.

Ongar skrivligar keldur lýsa, hvussu tingskipanin hevur verið í Køtlum. Sámal Petersen metti í útgávu frá 1973, hvussu tingskipanin møguliga hevur verið í Køtlum, sí lýsing til høgru. Tingstaðurin sæst framman fyri skeltið.

Onkuntíð um 1670-80 var vártingið flutt til Vág (Klaksvík). Tað verður mett, at orsakir til hesa flyting eru fleiri, til dømis flutt í tingstovur, vegna veðurlagsbroytingar, atkomumøgueikar og øktari umsiting fyri embætismenn.

TINGSTAÐURIN Í KØTLUM

Fremst á myndini og eystast er tingsteinurin ella tingborðið, og frammanfyri eru tríggir steinar, ið møguliga fúti, løgmaður og skrivari hava havt til sess. Harnæst er sessurin hjá vitninum og sýslumanninum. Tann skuldsetti ella brotsmaðurin sat fyri norðan á tingi, meðan ákærin sat fyri sunnan. Steinarnir merktir I, II, III, IV, V og VI vóru har, ið møguliga løgrættumenninir sótu, og tætt við løgrættumenn I og II sat frásøgumaðurin. Áhoyrararnir ella almenningurin sótu aftanfyri, vestan fyri tingið. Kelda: Sámal Petersen, 1973, síða 21, úr bókini Hugnalig jól.

Gev gætur, at hetta er ein ímynd og at tingstaðurin sær ikki soleiðis út í dag. Hetta er eitt søguligt fornminni, tí skal alt liggja í friði, og ikki er loyvt at flyta ella taka steinar ella broyta varðar.

EN

The inhabitants of the northern isles likely used the Thing site at Køtlum for spring assembly, although no written sources indicate when the site was first put to use. The site is located on neutral and unsettled ground, on a route that ties the northern and southern settlements together.

The word Thing (ting) comes from the Norse word Þing, a place to gather or hold meetings. The Thing was originally a system of justice and administration. Thing sites were used to settle disagreements, make political decisions, uphold the law, and announce new legislation. The chief justice (Løgmaður), or his deputy (Sorinskrivarin), would oversee the proceedings of the Thing. The law speaker was responsible for remembering and explaining the law. The chief justice, sheriff and later bailiff had to attend all the different spring assemblies.

The spring assembly on Køtlum was used to discuss and pass judgement in cases that involved the people of the northern isles, such as disputes and cases of theft. However, little is known about the sentences passed at these things before the first parliamentary records from 1615. There are tales of particularly harsh sentences, and legend has it that people sentenced to death at Køtlum would not be hanged on the gallows but rather thrown off a cliff to their death.

It is not clear how the Thing was organised. In a publication from 1973, Sámal Petersen made a small examination of the Thing site and how he believed it was organised in Køtlum. Please refer to the illustration on the right. The Thing site is in front of the signboard.

At about 1670-80, the spring assembly was moved to the village of Vág (Klaksvík), probably due to relocating the Thing meetings indoors to a courthouse (tingstovur), climate change, accessibility, and increasing administrative tasks for Government officials.

THE THING SITE ON KØTLUM

In the foreground of the illustration, to the east, is the Thing stone or Thing table. In front of this, there are three stones that could be intended as seats for the chief justice (løgmaður), bailiff (fúti), and clerk (skrivari). Next to these, the sheriff (sýslumaður) and witnesses might be seated. The defendant, or perpetrator, might sit to the north, whilst the prosecution might be seated to the south. The stones marked I, II, III, IV, V, and VI might be intended for the other members of the court (løgrættumenn), including the reporter (frásøgumaðurin). Spectators might be seated to the west, at the back of the thing. Source: Sámal Petersen, Hugnalig Jól 1973, page 21.

The illustration interprets the site as it might have functioned in the past. The stones are not arranged like this today. Please note that this is a historical monument and should be left as is. Do not move or rearrange any of the stones or cairns.