Føroyski báturin – bátasmíð, siðir og brúk

Bátatiltak verður á Tjóðsavninum í Brekkutúni 6 í Hoyvik hóskvøldið 17. november kl. 19.30

Føroyska samfelagið hevur verið fyri stórum broytingum síðani føroyski báturin var álitið, bæði til útróður og til flutning millum oyggjarnar. Vit kunnu staðfesta, at hóast føroyski báturin enn er í brúki, so hevur hann ikki megnað at kappast við glastrevja-bátarnar.

Men kann føroyski báturin førast úr aldudalinum?

Í desember 2021 bleiv føroyski báturin, saman við øðrum norðurlendskum súðubygdum bátum, innskrivaður á UNESCO listan yvir umboðandi siðaarv hjá mannaættini. Hevur henda altjóða viðurkenningin av føroyska bátinum týdning fyri varðveitingina av føroyska bátinum og hvat kunnu tað almenna, feløg og einstaklingar gera?

Hóskvøldið 17. november kl. 19.30 hittast vit á Tjóðsavninum í Brekkutúni 6 í Hoyvík til eitt tiltak, har vit umrøða føroyska bátin, bátasmíð, siðvenjur og brúk. Eitt áhugavert kvøld, við røðum, fyrilestrum og framsýning.

Tað eru Tjóðsavnið, Fróðskaparsetur Føroya og føroyska UNESCO-nevndin, sum í felag skipa fyri tiltakinum. Tiltakið er ókeypis og øll eru hjartaliga vælkomin.

Skráin fyri kvøldið

19.30 Vælkomin

Kristina Djurhuus Christiansen, savnsvørður á Tjóðsavninum

19.35 Tiltakið verður sett

Armgarð Weihe, aðalskrivari í føroysku UNESCO-nevndini

19.45 Yrkið sum bátasmiður

Hanus Jensen, bátasmiður á Roskilde Vikingeskibsmuseum

20.05 Siðaarvur á UNESCO listan, hvat inniber tað?

Tóta Árnadóttir, ph.d. lesandi á Fróðskaparsetri Føroya

20.15 Steðgur

20.35 Trý dømi á brúk av bátinum

• Samson Højgaard – ferðavinna

• Róðrarfelagið Knørrur – frítíð

• Jógvan Henriksson – undirvísing

20.55 At bjarga føroyska bátinum - hugburður og átøk

Herleif Hammer, stjóri á Tjóðsavninum

21.10 Samanumtøka og hugarok um verjutiltøk

21.30 Tiltakið endar

Føroyski báturin – bátasmíð, siðir og brúk