Blá svartaklukka verður út móti 3 cm long og er størsta klukka í Føroyum.

Dustlús er 1-2 mm long og hevur ongar ella heilt evarska lítlar veingir, ið hon ikki kann flúgva við.

Tjøruklukka er brúnlig á liti, 5-6 mm long, kløn klukka við beinum síðum.

Avstralsk tjóvaklukka er bert 3-4 mm long, og hevur langar kampar og bein og er heilt smøl millum fram- og afturkroppin og hevur breiðar akslar.

Fýrur er lítil klukka um 3-4 mm til longdar. Kamparnir eru langir, og høvdið er sitandi sum í eini hettu.

Yvir 20 sløg av trantklukkum (Curculionidae) eru skrásett í Føroyum.

Flatmaðkur Arthurdendyus triangulatus verður upp í 20cm langur og eins breiður og neglin á lítlafingri.

Tvísterta er eitt skordjór, sum ofta er at finna innandura. Hon er uml. 12-15 mm long, tá tongin er íroknað.

Veggjalúsin er ein teka og ikki ein lús, og á latíni eitur hon Cimex lectularius.

Morsnigil verður 5-15 cm langur og er skínandi og javnt morreyður, men hann kann vera ymiskur á liti frá morreyðum til ljósagult, og teir ungu morsniglarnir eru meira gjøgnumskygdir á liti.

Staraloppa er ein fuglaloppa, og eins og aðrar fuglaloppur er hon lítil, svørt og fløt frá síðuni.

Smærumotta er ein pinkalítil motta, bert ein knappan millimetur til longdar. Hon hevur 8 bein, og tey fremstu beinini eru væl longri enn hini.

Gulleyga er uml. 2 cm langt. Kroppurin hevur ein kláran, grønan lit. Á høvdinum hevur tað tveir langar, klænar kampar. Grøni kroppurin sæst týðuliga gjøgnum teir fýra veingirnar, ið eru klára ljósagrønar glærur.

Silvurkykt eru vanlig djór í húsum. Fert tú inn í eitt myrkt, eitt sindur slavið rúm t.d. eitt vesi, um náttina, sært tú ofta eitt lítið akslabreitt djór, ið kvikliga rýmir undan ljósinum.