Hesa vikuna eru vit farin í gongd við fornfrøðiliga útgrevstrinum við Borðoyarvík í Klaksvík.

Hvørt ár koma ferðafólk í stríðum streymi til Føroya at luttaka saman við føroyingum í Closed For Maintenance, eitt átak, sum Visit Faroe Islands skipar fyri hvørt summar.

Hansara hátign Fríðrikur kongur 10. verður verji hjá Koltursætlanini

Fyrr í dag kunngjørdi kongshúsið, at hansara hátign Fríðrikur kongur 10. verður verji fyri Koltursætlan Tjóðsavnsins.

Síðan 2021 hevur Fólkalívsdeildin verið partnari í norðurlendsku og baltisku verkætlanini LIVIND (Creative and Living Cultural Heritage as a Resource for the Northern Dimension Region). Øll londini, sum hava luttikið í LIVIND, hava tikið undir við UNESCO-sáttmálanum um verju av siðaarvi.

Dýrgripir síggja dagsins ljós, nú ruddað verður á Hvalastøðini, áðrenn hon aftur letur upp fyri savnsgestum 22. juni. Avbjóðingin er at fara væl við óvanligum lutum sum granatum og neyðblussum, samstundis sum trygdin er í hásæti.

Margretha Nónklett, savnsvørður, hevur skrivað grein um savnskvinnuna Petru Djurhuus, sum hevur havt ein týðandi leiklut í menningini av savnsøkinum í Føroyum. Allíkavæl er hon kám í føroysku savnssøguni.

Ein av soppunum í sjónvarpseriuni “The Last of Us” er nú staðfestur í Føroyum.

Snultisoppaslagið Ophiocordyceps gracilis er nýtt soppaslag í Føroyum.

Norðurlendska ráðharraráðið hevur sett sær fyri, at Norðurlond skulu vera burðardyggasta øki í heiminum í 2030. Til tess at røkka hesum máli er gongd sett á fleiri verkætlanir á umhvørvisøkinum. M.a. eru 26 milliónir settar av til eina fýra ára ætlan um náttúruloysnir í Norðanlondum.

Skráin livandi mentan er ein partur av arbeiðinum við UNESCO-sáttmálanum í Føroyum. Livandi mentanin verður borin víðari frá ættarliði til ættarlið, og verður endurskapt av menniskjum í samspæli við náttúru, søgu og samtíð.

8. mars verður tiltak og serframsýning á Tjóðsavninum á Altjóða Kvinnudegnum.

Tiltakið hátíðarheldur Altjóða kvinnudagin við spennandi framløgum um føroysku kvinnurnar, ið ikki fylla nógv í føroyskari søguskriving ella á søvnum, hóast teirra lutur ikki liggur eftir.

Fimm pakkar og umleið 200 brøv, vóru í gjár latin upp á the National Archives í London. Brøvini og pakkarnir vórðu send úr Føroyum í 1807. Í einum pakka var ein vøkur kvinnutroyggja, í einum øðrum fýra pør av knæsokkum til kvinnur, og í tveimum pakkum vóru byggkorn í.

Í dag er føstulávintsmánadagur. Siður er, at børn ganga grýlu hús úr húsi og fáa bomm í posan.

Hósdagin 21. desembur 2023 opnar nýggi Sandoyartunnulin, og við hesum kann væntast, at ferðslan verður størri til Sandoynna. Sjáldsamu Mølheyggjar á Sandi verða heilt víst eitt av teimum støðum, ið fólk fara at leita sær til, serliga um summarið. Tí er umráðandi at kenna til hetta sjáldsama náttúruøkið.

Tað var í 2020, at eigararnir av hagapartinum Stóriryggur við Kristin Vilhelmsen á odda avgjørdu at taka seyðin av. Stóriryggur er nú eitt náttúrufriðøki, har gróður og fuglalív sleppa at koma fyri seg uttan ávirkan frá menniskjaligum virksemi.

Tjóðsavnið selur nú galvaniseraðan bátaseym, spíkarar og røur til bátasmiðir. Sølan hevur higartil verið hjá einum privatpersóni, Janusi Østerø, sum av egnum áhuga hevur átikið sær at innflyta og selja seym til føroyskar bátasmiðir. Rørnar hevur hann sjálvur framleitt.

Á Tjóðsavninum er jólahýrurin í hásæti.

Jólaframsýning við heitinum “Jólaljóð” er latin upp, og savnsbúðin er á tremur við ymiskari jólavøru.

Hóskvøldið 15. november var áhugavert tiltak um innræsnar plantur í Løkshøll. Fleiri serfrøðingar vóru við, sum m.a. prátaðu um lóggeving og týning av innræsnum plantum. Kolbrún í Haraldsstovu, savnsvørður á Plantudeildini, hevði somuleiðis eitt upplegg um innræsin plantusløg og teirra ávirkan á føroysku náttúruna.

Týsdagin 7. november var alment tiltak í Nólsoy um verkætlanina “Digital Action on Climate Change with Heritage Environments” stytt DACCHE.

Norðurlendski stýrisbólkurin fyri UNESCO innskrivingina av bátasiðvenjuni hevur seinasta árið arbeitt við at menna eina stevnuskrá – “Det nordiske klinkbåt charteret 2023”.

Týsdagin 7. november verður alment tiltak í Nólsoy um verkætlanina “Digital Action on Climate Change with Heritage Environments” stytt DACCHE. Tjóðsavnið stendur fyri føroyska partinum av verkætlanini, ið hevur fingið arbeiðsheitið “Týdningurin av torvi fyrr og týdningurin av vátlendum nú”. Millum føroysku samstarvspartarnar eru Nólsoyar fornminnissavn og Junkarshagi.